ЗЛАТНА МЕДАЛЯ ЗА ШКОЛУ ЗА ПРИМЕРЕ ДОБРЕ ПРАКСЕ

Штварток 7.марца на Медзинародним сайму образованя ,,Путокази,, у категориї штреднїх школох, ґимназия и фахова школа ,,Петро Кузмяк,, освоєли  златну медалю за квалитет образовно-воспитней роботи.

Тот саям покраїнски проєкт, а за циль ма промоцию образованя за шицки возрости и афирмацию доживотного ученя.

Саям нащивели школяре матуранти штреднєй школи и матуранти основней школи з цильом професийней орєнтациї и информованя и препатрунка образовних напрямох у штреднїх школох и на факултетох.

На сайму участвовало вельке число школох и прейґ 500 образовних профилох.

Тото припознанє од окремного значеня за школу, бо зоз тим препозната наша успишносц и анґажованє у наставних, звонканаставних и звонкашколских активносцох. Нашу роботу зме документовали и презентовали през приклади добрей пракси зоз нашей школи. Тота златана медаля и диплома потвердзенє же професоре штреднєй школи квалитетно робя, провадза тренди сучасного образованя цо препознате нє лєм у рамикох школи, алє и на медзинародним нивоу.

 

53360246_2272083642857761_5538511296292454400_n

Означена школска слава пошвецена Святому Савови

У голу нашей школи з святочну програму, и того року, означена школска слава пошвецена сербскому присвитительови Святому Савови. Зоз преламованьом славского колача и пошвецаньом просторийох школи, як и зоз стихами, писню и историйнима фактами и приповедками о Святому Савови, школяре основней и штреднєй школи ище раз ожили памятку на присвитителя. На таки способ здогадли нас, а и сами ше здогадли, же дух Святого Саву ище жиє. Колектив нашей школи жада щешлїву славу шицким школяром и наставнїком!

51262069_296145237754932_8116552526519599104_n

51212959_392503264869109_3072434902784802816_n

50903758_567473727066526_3353815308610568192_n

50889843_251722885754097_4016070841560203264_n