Татяна Дудаш зоз IV₃ -                                                                                                             школяр ґенерациї нашей ґимназиї! Винчуєме!                                                          >>> 

пияток 21. мая мали остатнї наставни дзень,      а шлїдуюцого штвартку су випровадзени з боку родичох, родзинох, пайташох, младших школярох, професорох зоз школи на матурски вечар.                                                                                                              >>>

- На шлїдуюцим линку можеце опатриц резултати зоз ярнього кросу хтори отримани 30. априла у лєшику, коло поладня по красней хвилї.

-   Блїжи ше конєц школского року. Крайнї час же би ше виправело, полєпшало цо мож. Заказую ше и остатнї родительски схадзки дзе атмосфера вшелїяка, нормално, у зависносци од потерашнього успиху школярох. 29. априла у I₁ отримана цалком нєзвичайна родительска схадзка, до чого ше можеце прешвечиц кед опатрице шлїдуюци fotoalbum.

- У Суботици на окружним змаганю зоз биолоґиї змагали ше и то успишно нашо школяре Андрея Рац и Даниєла Планчак зоз I₁ и Соня Плавшич IV₂ и Таня Дудаш IV3. Нажаль и попри релативно велького числа освоєних бодох нє удало им ше пласовац на републичне змаганє.

- На општинским змаганю зоз сербского язика, отриманим 13. 03. у Економско-тарґовецкей школи у Кули школяре нашей школи посцигли шлїдуюци резултати: У катеґориї школярох першей класи друге место освоєл Едвард Шетало. Друге место завжала и Татяна Дудаш у катеґориї школярох штвартих класох. Треце место завжали: Наташа Колєсар, перша класа и Теодора Вранєш штварта класа. Важне напомнуц же и Наташа и Теодора у ґимназиї уча сербски язик як нємацерински. Винчуєме!

- 8. марца ґимназиялци и старши школяре основней школи нащивели театралну представу "Мирандолина" найлєпшу младежску представу у Войводини, хтору у Доме култури, окреме за нас, виведла младежска ґрупа зоз Червинки.

          24. 02. школяре першей класи (I₁) нащивели Народни театер у Сомборе и опатрели фалат "подозрива особа" од Б. Нушича. Окрем театру вони були и на базенє и у доме школярох.

                                                                                                                                - Од 6. по 13. фебруар школяре туристичного напряму, и даєдни други зоз нашей школи, були на скияню у Дановей при Медзилаборцох. Дацо о тим як им там було "гутори" и тот фотoалбум    

                                                                                                                                                     - Шветочносц з нагоди школскей слави Святого Сави того року отримана пред полну салу у Доме култури. Ту можеце опатриц фотоалбум зоз тей шветочносци хтору як и вше пририхтали школяре нашей школи.  

         - 23. януара отримани "школски прадки" - длугорочна традиция занятих у школи. Окрем вешеля, стародавних єдлох, богатей томболи, тому вечару присуствовали и госци зоз Миклошевцох, члени КУД Яким Ґовля, хтори после концерта у Доме култури були нашо госци. Тиж бул присутни и Валерий Падяк зоз Ужгороду. Вон з тей нагоди директорови школи придал малюнок портрет Петра Кузмяка.

                                                                                                            - Културно - просвитна заєднїца општини Кула и Народна библиотека Кули, Пияток 11. децембра орґанизовали закончуюцу манифестацию МЕШАЦ КНЇЖКИ 2009. Першу награду за приповедку "Там дзе дараз було морйо" достала Татяна Дудаш зоз IV₃. Тиж наша школярка Йована Исаков зоз III₂ була похвалєна а участвовал и Марко Новакович зоз IV₁. Ту можеце пречитац роботи наших школярох, опатриц даяки фотоґрафиї и поєдиносци зоз Културного центру дзе медзииншим додзелєни награди и похвали. 

-        В соботу 28. XI у школи, у рамику астрономскей секциї, бул означени Медзинародни рок астрономиї и то так же члени секциї пририхтали пано зоз плакатами за зволованє сходох секциї и о Ґалилейови хтори пред 400 роками перши вихасновал телескоп за виучованє нєба. Госци були члени дакедишнєй секциї младих селенитох хтори пред коло 50 роками були барз успишни, були 4 перши у Войводини.                               >>>

- Таня Дудаш, школярка IV₃, заш посцигла красни успих на литерарним полю. Понеже участвовала на литературним конкурсу "Косово и Метохия то душа Сербиї" була наградзена зоз пейцдньовим пребуваньом на Копаонику. Конкурс росписала студентска добротворна орґанизация Зєдинєна Сербия, а потримали го Министерство просвити, Министерство за Косово и Метохию и др. Пречитайце Тньову роботу.

- Колектив школи всоту, 31. X, мал єднодньови вилєт до Бєлїни и так, на интересантни способ, окончел єден дзень єшеньского розпуста. Ниа даскельо фотоґрафиї зоз того путованя. 

- Пияток, 9. X , коло поладня, по красней хвилї, цала школа була у природи. Отримал ше традицийни єшеньски крос. Ту можеце видзиц и хто мал найвецей успиху у бежаню и даскельо фотоґрафиї

- Наша школа, як и велї други школи у держави та и швеце, означує Медзинародни рок астрономиї. За тераз то лєм у форми преподаваньох за школярох, а планую ше и иншаки активносци. Єдно з преподаваньох отримал наш бувши школяр, тераз студент астрономиї у Новим Садзе, Роберт Джуджар   

- И того року у ґимназиї, у першей класи, як и вше маме школярох зоз вецей местох Войводини. Медзитим тераз ґу нам пришол и єден школяр, Милан Падяк, аж зоз Ужгороду з України. Наздаваме ше же то нє винїмок и же и идуцих школских рокох будземе мац школярох и з иножемства. За тераз Миланови жадаме приємне пребуванє и добри оцени у нас.

Милан у своїм новим окруженю - I₁ и на бициґли на воженю и обиходзеню Керестура

хторе орґанизоване з нагоди оздачованя Медзинародного дня процив автомобилох.                                                                                                                                                                                                            >>>

- У септембру нас приємно нєсподзивал зоз свою нащиву приятель нашей школи Италиян пана Джузепе Клеричи. Вон дзепоєдних з нас приял на концу прешлого року до нащиви хтору сам финансовал, до Италиї. Шицким цо мали щесца будз на тим путованю нащива остала у нєзабудлювей памятки.                                                                                                                                                                                                                                       >>>

- Тот школски 2009\2010 рок за нашу школу историйни прето же зме стартовали зоз нову струку - туристични технїчар. Уводзенє тей струки ше указало як барз добре цо видно же ше до першей класи уписало максималне число школярох - 30.

| назад |

школа нєшка | историят школи | колектив| конкурс | збуваня | мапа | линки