Дакус вецей о нєшкайшей школи

Нєшка школа ноши назву Основна и штредня школа зоз домом школярох "Петро Кузмяк". Уж и сама назва гутори же ше орґанизацийно школа состої зоз двох (односно трох кед учишлїме и интернат) цалосцох: обовязней основней и штреднєй школи (ґимназия и од 2009/2010 шк. року напрям - туристични технїчар) цо єдинствене у нашей держави.

У основней єст 19 оддзелєня од першей по осму класу зоз коло 360 школярами. Того школского (2011/2012) року до першей класи основней школи уписало ше 50 школярох. Шицки вони уж нащивйовали предшколски форми образованя хтори тиж присутни у валалє (яшєлька, ...). У осмей класи єст 57 школяр од хторих ше после законченя єдна часц упише до нашей штреднєй школи. Окрем Керестурцох до рускей ґимнзаиї уписую ше и школяре з других местох нашей жеми.

Ґимназия общого напряму. У нєй ше настава одбува и на руским и на сербским язику. Того школского року до нєй уписано 30 школярох од чого 15 на руским (гоч єст места за 30 школярох) и 15 на сербским наставним язику и 30 (максималне число) до напряму ТТ. Вєдно у штреднєй школи єст 208 школярох). Пре таку структуру тота ґимназия єдинствена у держави, а пре оддзелєня на руским наставним язику є єдина на швеце. Гоч ше наша ґимназия рахує до малих школох, за потерашнї XХ ґенерациї хтори закончели тоту школу мож повесц же ше школяре цалком успишно уписую далєй на висши школи и факултети.

У составе школи ше находзи и комфорни дом за школярох цо нє зоз валалу зоз 70 местами. Надалєй ту и сучасна кухня, фискултурна сала и спортски терени. Будинок ше находзи у центру валала, окружени зоз желєнїдлом – права школа у парку, з основним поглєдованьом и характеристику – роботносц и култура.

| назад |

школа нєшка | историят школи | колектив| конкурс | збуваня | мапа | линки