Petro Kuzmjak, onovna skola i gimnazija

За тих цо ходза до осмей класи, цо ище нє одлучели до хторей школи ше уписац, наша препорука - до нас, до Ґимназиї, або за туристичного технїчара!

Ниа и причини... гоч нє шицки.

..::НОВОСЦИ

- Пре позарядову ситуацию у держави од пондзелку 06. по 10. фебруар нє будзе настави! О дальшим розвою ситуациї и пременкох годни сце ше информовац на тим истим месце.

- На вистави ЕКО-плус и ЕКО-минус еколоґийного руху Вербас и Културно просвитного друштва ДОК нашо школярки Сабина Ром и Андреа Новак за свойо роботи достали першу награду! Винчуєме!

- Пияток зме нє мали наставни алє роботни дзень, бо то бул дзень Школскей слави Святого Сави. У нашей школи тот дзень означени зоз програму у холу школи хтору пририхтали школяре зоз своїма професорами.

- Пред 50 роками ИВО АНДРИЧ 10. децембра достал Нобелову награду за кнїжовносц. Найвизначнєйшому писательови зоз тих просторох и його творчосци, пошвецена годзина сербского язика и кнїжовносци отримана 8. децембра у нашей Школи. Годзину реализовали...

- Милица Буквич IV₂, На конкурсу Културно просвитней заєднїци општини Кула и Народней библиотеки Кула на литерарним конкурсу за школярох штреднїх школох, за тему есей, приповедка, писня завжала 3. место. На тим конкурсу участвовали и Никола Сивч I₂ и Боян Ґаши IV₂. Ниа їх роботи.

- Одзелєнє III₁, окрем ученя, зна интересантно и хасновито препровадзиц шлєбодни час. 8. XII пополадню нащивели Сомбор. Ту пребували на базену, шейтали ше, нащивели познати ґалериї сликох - Ґалериї Препаандиї дзе ше находза ретроспективи познатих сомборских уметнїкох Сави Стойкова и Павла Блесича. У истим будинку нащивени и Музей образованя учительох. На концу опатрена и театрална представа Ж. Фейдоа Буба у уху.

- 5. децембер - Медзинародни дзень волонтираня. Коло 60 школярох нашей штреднєй школи ше уключело до активного означованя того дня и то так же волонтирали у месце и околїску у рижних фирмох. По окремней догварки фирми цо прияли волонтерох, виплаца єдну дньовнїцу до окремного фонду, до Униї штредньошколцох, хтори ше познєйшена враци штредньошколцом прейґ проєкта "Култура младих у моєй школи".

- Заш лєм красне друге место за дзивчата на окружним змаганю у одбойки у Кули. Перши були штредньошколки зоз Сомбора.

- На општинским змаганю у одбойки у Кули, 19. XI, нашо дзивчата завжали перше место и пласовали ше на окружне змаганє!

- И того року Костельникова єшень започала у нашей школи. 4. XI нащивели нас нашо руски писателє и окончели презентациї своїх найновших творох.

- 27 X нащивени саям кнїжкох у Беоґрадзе.

- 24. X з пригодним паноом означели зме Дзень зєдинєних нацийох.

- Тих дньох зме дознали же на конкурсу Еколоґийного руху Вербас зоз свою презентацию нашо школярки Сабина Ром и Андреа Новак, обидва зоз III₃, завжали I место.

- На окружним змаганю у столним тенису 25. X У Бачким Брестовцу Андрея Кишрацик завжала одличне друге место

- 22 X у нашей школи отримане општинске змаганє у столним тенису. Було добре. Андрея Кишрацик зоз I₃ завжала пперше место, а Педя Колбас II₁друге место.

- Пияток 21. X у школи отримани семинар за школярох, а соботу за наставнїкох под назву Еколоґия зоз дзецми - критичне роздумованє у розвою еколоґийней свидомосци у настави.

- Нєкаждодньове змаганє у одбойки медзи школярами зоз III₁ и професорами. Резултат нє бул у першим планє, (победзели школяре) алє реванш уж заказани.

- Прешлого тижня мали зме акцию добродзечного даваня креви

-7. 10. 2011. дзепоєдни школяре нашей основней и штреднєй школи нащивели Ботанїцку заграду и Били двор у Беоґрадзе. >>>

- У цеку дзецинского тижня у школи витворена и єдна нєзвичайна вистава - вистава старих (церковних) кнїжкох. Найстарши з помедзи нїх були зоз XVI, XVII вику.

- 6. 10. 2011. бул орґанизовани єшеньски крос на ярашу. Ту кликнїце кед сцеце видзиц резултати кроса.

- Орґанизована хуманитарна акция, на уровню школи, за помоц дзецом у "Белавей птици" - установи за дзеци у потреби. Дарунки однєсли до Кули и придали школяре I₁, I₃, II₃, III₁ и IV₁.

- 3. октобра по красней єшеньскей хвилї школяре, хтори ту пребуваю у интернату, мали цалопополадньови вилєт на базен. О тим як им було шведочи и тот фотоалбум.

*** Дзецински тидзень у нашей штреднєй школи од 3. - 19 X ***

- Остатнього викенду у септембре у Медзилаборцох Република Словацка було оранизоване Интернационалне стретнуце младежи карпатского реиона на хторим вжали учасц и нашо школяре и професоре. Дзивчата ше змагали на турниру у одбойки и од пейцох екипох (два з Польскей и по єдна зоз України, Словацкей и ми зоз Сербиї), завжали красне треце место. Ту и фотоалбум зоз того интересантного путованя.

- Тот школски 2011/2012 рок започал зоз законченьом и даваньом на хаснованє нововибудовани просториї у рамику интерната. То вецейнаменски простор зоз векшим числом рахункарох и квалитетну интернет вязу. Красни дарунок шицким за початок нового школского року.