Нашо школяре нащивели Музей Войводини у Новим Саду

Штварток, 29. новембра, школяре IV1 и IV2 класи нашей школи, вєдно зоз професорами, нащивели у Музею Войводини у Новим Садзе виставу “Од сна до яви” автора др Драґи Нєґована и Зорана Веляновича, кустоса историчара и архивскохо совитнїка. Школяре мали нагоду же би ше на систематични, модерни и интерактивни способ детально упознали зоз важнима подїями зоз прешлосци сербского народу, починаюци од Велькей Селїдби Сербох 1690. року, прейґ борби за националне обстоянє, Першей шветовей войни, Велькей народней скупштини у Новим Садзе 25. новембра 1918. року и преглашенє твореня Кральовини Сербох, Горватох и Словенцох 1. децембра 1918. року. Школяре на тот способ обогацели свойо знанє и уживали у вистави.

dav
dav
dav
dav
dav
dav

Школярки трецей класи наприяма туристични технїчар на сайму етно поживи и пица у Беоґрадзе

Школярки трецей класи наприяма туристични технїчар Наташа Павлович, Николета Влахович, Андєла Вукчевич, Єлена Ґолубович, Даниєла Кувелїч дали свойо доприношенє промоциї туризма кулскей општини, штанду Туристичней орґанизациї Кули на сайму етно поживи и пица у Беоґрадзе.

sdr
sdr

Вони зоз свою професорку Ренату Зорич и педаґоґом Любицу Няаради зоз промотивнима активносцами нашивительом представели туристичне понуканє нашей општини, як и продуковательох традицийних поживових продуктох и ручних роботох як и саму мултикултуралносц нашей општини през представянє народного облєчива.
Тото искуство ма вецейнїсте значенє за школярох бо им дава нагоду за применьованє теорийских знаньох у пракси.

sdr
sdr

Школяре нашей школи нащивели ґалерию Сербскей aкадемиї науки и уметносци у Беоґрадзе

46443307_2295638734000556_251884266948919296_n (1)

Пияток, 16.11.2018. школяре нашей школи, вєдно зоз професорами, нащивели ґалерию Сербскей aкадемиї науки и уметносци у Беоґрадзе у хторей виложени слики Марка Челебоновичового (1902-1986), нашого познатого сликара. То була нагода же би зме ше детальнєйше упознали зоз дїлом того сликара и його уметнїцкима фазами. Могли зме през дїла мертвей природи и портретох провадзиц рижни вплїви у форми як и уметнїцки Челебоновичов розвой. Збогацели зме свойо знанє и уживали опатраюци виставу.

46450848_1836158643163684_6239731502695841792_n

46471944_2249405298426098_2788227240247164928_n
46439208_455021075032064_6973540301738606592_n

ШТАНД НАШИХ ШКОЛЯРОХ НА САЙМУ НАУКИ “ФИЗИ-БИЗИ” У ЗОМБОРЕ

Нашо штредньошколци 10.11. участвовали на Сайму науки “Физи-бизи” у Зомборе хтори ше традицийно отримує уж осми рок. Осем школярох зоз своїма професорками Катона Терезу, Сабадош Кристину и Будински Наталию пририхтали експерименти зоз биолоґиї, физики и математики хтори представели заинтересованим нащивительом. То першираз же нашо школяре на таки способ участвовали у даяким научно популарним збуваню и на интересантни способ презентовали свойо знанє хторе здобули на годзинох.
45751606_10216315592110037_1514719941780045824_n

Програма XXV ,,Костельниковей єшєнї“ почала у нашей школи

Културна манифестация ,,Костельникова єшень“ уж XXV раз отримана у нашей школи. Того 9. новембра, нови виданя кнїжкох на руским язику представени нашим школяром на двох програмох у школи, а школяром руского оддзелєня ґимназиї того року у ресторану ,,Червена ружа“.
46104283_251896465678752_2569228034645164032_n
Пред першу часцу програми шицких привитала директорка Школи Хелена Пашо Павлович, а потим школяром нїзших класох основней школи писателє Ирина Гарди Ковачевич, Мелания Римар и Агнета Бучко Папгаргаї представели нови виданя, док ше старшим школяром основней школи придружели и Яким Чапко и Михал Рамач. Редакторка часопису„Заградка” Мелания Римар , уручела награди найвреднєйшим сотруднїком, та так за литературни роботи наградзени Иґор Фейди и Андрей Шайтош, а за подобову роботу Матеа Джуджар.
Школяре руского оддзелєня ґимназиї ше здогадли на роботу и творчосц Гавриїла Костелника, котрому ше на тот завод означує 70-рочнїца шмерци, през бешеду Дюри Гардия. Окрем Агнети Бучко Папгаргаї того року свою збирку поезиї представела млада поетеса Тамара Хрин Рончевич. Яким Чапко и Михал Рамач ше представели и найстаршим, а ґимназиялци упознали и нашого академика Юлияна Тамаша котри нєзаобиходни у їх образовней системи як автор ,,Историї рускей литератури“ и Читанки до котрей кажду годзину закукую.
Велї школяре дому однєсли красни упечатки, а дзепоєдни и нову кнїжку.
46218390_623335048063049_7733007385731530752_n

Забавна математика у дзецинским тижню

Стреду, 03. октобра, у цеку дзецинского тижня отримани математични квиз за дзеци возросту трецей и штвартей класи основней школи. У квизу попри дзецох з Керестура, участвовали и дзеци з Коцура. През рижно формуловани математични задатки, дзеци ше визначели зоз своїм способом ришованьох истих и обидва екипи були єднак добри. Як и каждого року, и того року зме заш лєм мали екипу хтора ше дакус баржей визначела, а то коцурска екипа, хтора ше вєдно зоз учительку цешела побиди. Математични квиз ше отримує уж єден час, а пририхтали го Оґнєн Дудаш, Сара Мармила, Марко Буила и Тереза Будински, школяре трецей класи штреднєй школи “Петро Кузмяк” зоз свою професорку математики Леону Сабо.
1

2

3

4

5

6