Школа учашнїк у квизу “Катапулт”

Сотруднїцство помедзи  школи успоставене на основу догварки и писаней поволанки директорки  Татяни Кажич, а на инициятиву школярского парламента и кординаторки парламента Маї Сабо.

         Стреду 6.12.2017. екипа школярох ґимназиї ,,Петро Кузмяк,, у составе Козар Анастазия, Дудаш Оґнєн, Остоїч Жарко и Ноґавица Йована и їх навияче участвовали у квизу ,,Катапулт,, котри орґанизовал школярски парламент ґимназиї ,,Жарко Зренянин,, зоз Вербасу. У квизу участвовали три ґимназиї србобранска, вербаска и керестурска.Екипа нашей школи завжала перше место на квизу опщого знаня. Орґанизаторки спред нашей школи пеофесорка математики Леона Сабо и педаґоґ Любица Няради.

ВИНЧУЄМЕ !!!

Oкружне змаганє у плїваню

Милутин Павичич ма 17 роки и школяр є другей класи ґиманзиї. На окружним змаганю у плїваню ( Сомбор, 06.11.2017) завжал перше место. 

Винчуєме Милутинови и жадаме му щесце на републичним змаганю.

MP

КВИЗ ЗАБАВНА МАТЕМАТИКА

У основней школи „Петро Кузмяк“,  3.10.2107. отримани пияти по шоре квиз Забавна математика.

Квиз порихатали школяре другей класи ґимназиї –Будински Тереза, Буила Марко, Дудаш Оґнєн и Мармила Сара зоз професорку Леону Сабо.

Змагали ше школяре трецих и штвартих класох основних школох „Братство єдинство“ зоз Коцура и „Петро Кузмяк“ зоз Руского Керестура. През рижни задатки , школяре ше бавели и видзели же и математика може буц интересантна и забавна.

Май – мешац математики

15.05.2017. пондзелок у нашей школи отримани квиз з математики ,,Математика през бависко,,. У квизу участвовали школяре  ОШ,,Братстви и єдинство,, з Коцура и школяре ОШ,, Петро Кузмяк,, з Р.Керестура, нашей школи.

 Квиз орґанизовали и реализовали школяре  першей класи Ґимназиї з професорку математики  Леону Сабо. Школяре були у двох екипох, то школяре  IV класох з своїма учительками, Марию Полдруги, Таню Бркич з Коцура и Верунку Медєши з Р.Керестура.

Шицких присутних, змагательох , орґанизаторох як и вредну публику – навячох привитала директорка школи Хелена Пашо Павлович. Директорка  п овинчовала побиднїком и учашнїком и додзелєла награди.

 

                                                 За Актив учительох  Веруна Медєши

Школа у природи Гучево

Школяре  трецей класи з учительку Наду Колошняї и школяре двох оддзелєньох штвартей класи з учительками Ксению Бодянец, Верунку Медєши препровадзели шейсц днї на Ґучеву. То школа у природи на гори Ґучево при Банї Ковилячи.Тоти днї прешли прекрашнє у одмаралїщу ,,Видиковац,,.

сл 6

Активносци школярох водзели и отримовели рекреаторе, Иван, Єлена, Милош. Школяре мали спортски активносци, ткали, рисовали, бавели бависко ,, Бависко без гранїцох”, нащива маджионичара,  маскенбал, шейтанє по гори на швижим воздуху...

сл 7 

 Тиж орґанизовани велї нащиви – Манастир Троноша, хижа Вука Караджича у Тршичу, ,,Сунчана река при Дрини и уБанї Ковилячи.Прекрасни хвильки у природи и вельо очиглядней настави дзе ше знанє памета без кнїжки.

 сл 8

                     За Актив учительох Веруна Медєши

Школяре керестурскей школи  и того року успишни.

Основна школа ``Соня Маринкович`` зоз Зренянину , 28. априла була домашня  Републичному  змаганю  зоз сербского  як нємацеринского язика на хторим участвоволи  95-еро школяре седмих и осмих класох, зоз 35 школох.

   У конкуренциї школярох седмих класох було 49 змагательох, а найуспишнєйши бул школяр зоз нашей школи и завжал перше место, а то  Леонтий Сивч. Треце место завжали школяре Александар Киш и Леон Юрич.

У конкуренциї школярох осмих класох було 44 змагательох, а  нашо школярки Соня Балїцки и Теодора Новакович  завжали друге место. У конкуренциї осмих класох зоз нашей школи змагал ше и Давор Хома.

Школяр Леонтий Сивч наградзени  зоз трома кнїжками автора Роберта Такарича, котри и особнє уручел награду.

Домашнї орґанизовали обиходзенє Зренянину, городскей хижи и музею.

Школярох пририхтала наставнїца Мария Балїнт