srb-sremska-mitrovica

Културна домияда у Сримскей Митровици

Школяре нашого дому школярох участвовали на двацецдругей културней домияди у Сримскей Митровици дзе ше змагали у штирох дисциплинох. У дисциплини модерного танцу ше змагали Йован Станквич, Дуня Костич, Ивана Караджич и Ивана Ґлиґориєвич. Вони кореоґрафию порихтали вєдно зоз професорку Саню Тиркайла.   Марко Буила ше змагал у виводзеню класичней музики и уметнїцкей фотоґрафиї, а свойо фотоґрафиї тиш викладали и Ковч Леонтина, Милица Майсторович, Теодора Живков и Хорняк Сладяна. Фотоґрафиї ше викладали на городскей площи, дзе школяре мали нагоду опатрац роботи других интернатох и препровадзиц час у друженю - за цо мали идеалну хвилю. У писню состава ше змагала Марина Радоєвич, прешлорочна побиднїца на державним уровню, но того року ше єй нє поспишело пласовац далєй.

Гоч зме на тогорочней културней домияди нє освоєли анї єдно високе место, дзеци ше у Сримскей Митровици крашнє препровадзели, здобули слику о тим цо ше роби у других интернатох и дружели ше зоз своїма парняками зоз домох школярох цалей Войводини.